Djemtë këshillojnë vajzat për veshjet e spektaklit të nesërm. Shpendi dhe Anaidi komplimentojnë Riken.

Banorët të gjithë zhvendosen në dhomën e gjumit për të zgjedhur veshjet që do te veshin neser gjatë spektaklit Big Brother. Në fillim janë vajzat ato që nisin të zgjedhin veshjet e mundshme ndërsa djemtë qëndrojnë të shtrirë duke pritur sfilatën e vajzave për ti dhënë mendimin e tyre. Elona këshillon Riken se çfarë të veshë dhe ajo nis të provojë një veshje. Djemtë e pëlqejnë shumë Riken, edhe pse ajo tregohet dyshuese. Anaidi dhe Shpendi e komplimentojnë Riken dhe për format trupore që ajo ka, madje Shpendi me shaka i thotë që duhet të vishet mirë sepse kjo mund të jetë edhe një arsye për mos të nominuar.

Rikja nuk bindet dhe nis të provojë diçka tjetër deri sa në fund e vendos se çfarë do të veshë nesër në spektakël. Ndërkohë nis edhe Iliri të veshë veshjen e tij. Shpendi dhe Anaidi nisin batutat dhe i thonë që ngjan si polic nëse vishet në këtë mënyrë. Anaidi çohet nga krevati dhe inspekton dollapin e Elonës dhe habitet nga rrobat që ajo mban në dollap. Djemtë e Big Brother, tashmë në rolin e konsulentit të modës, nuk i kursejnë batutat dhe komplimentat ndaj Rikes duke e cilësuar si femer sexy dhe moderne.Pas Rikes nis Eldora të kërkojë konsulencën e Elonës, e cila e sygjeron të veshë një këmishë të bardhë me xhinse, por edhe ajo tregohet dyshuese dhe preferon më mirë një fustan.

lexo më shumë...

Iliri dhe Elona bisedë me ironi; Anaidi Ilirit: “Elona ta ka marrë në kthesë”

Banorët janë ulur të gjithë se bashku dhe po drekojnë. Ata kanë gatuar sot karkaleca për të cilët disa prej tyre kishin kohë që i kërkonin. Teksa bëjnë shaka mes tyre dhe shkëmbejnë batuta, mes Ilirit dhe Elonës, nis një bisedë me ironi. Ata po flasin për shoqërinë dhe rëndësinë e saj. Në këtë moment ndërhyn Anaidi dhe thotë se Iliri do ta mbajë mirë punën me Elonën sepse do të garantojë ndonjë vend në finale. 


Elona ka bërë një parashikim për banorët që do shkojnë në finale dhe Anaidi po e përdor këtë gjë për ironi ndaj Ilirit pasi ajo nuk e kishte konsideruar fare. Ai shton se Elona e ka parakaluar pak Ilirin në këtë garë, duke iu afruar më shumë finales dhe ai përmend sërish fjalët që i ka thënë Ilirit ditë më parë që kanë të bëjnë se nëse Rikja, Elona dhe Iliri do të ndodhen në nominim banori që largohet do të jetë Iliri. Sipas Anaidit nesër do të vërtetohen të gjitha se kush do e lërë shtëpinë. Iliri nuk reagon shumë në lidhje me ngacmimet që po i bën Anaidi, por thotë vetëm që akoma nuk i ka përdorur të gjitha armët dhe nuk i dihet se kush do të dalë më parë nga Big Brother.
Pas kësaj banorët zhvendosen në dhomën e ndënjes në poltron ku vazhdojnë ironitë dhe shakatë mes tyre.

lexo më shumë...

Banorët vazhdojnë luajnë me njëri-tjetrin; Keqkuptim mes Elonës dhe Shpendit.

Pas provës javorë që Big Brother u dha banorëve, ato vazhdojnë ende të bëjnë shakara të ngjashme me të. Anaidi ngacmon Riken dhe i thotë se tani ka filluar edhe Elona të ketë simpati për të si banor. Elona i kërkon proshutë Rikes, dhe ajo i thotë se nuk ka dëshirë t’ja japë sepse ka shok Anaidin tashmë dhe çdo gjë ta konsultojë me të dhe jo me Riken. Elona nis të qeshi për shakatë mes Rikes dhe Anaidit. Rikja i thotë Elonës, se e tradhtoi shoqen e saj për armikun. Në këtë diskutim ndërhyn edhe Iliri dhe thotë se ishte më i dashur ai me Anaidin në rol se sa Rikja me Elonën. Rikja e vazhdon lojën me Elonën dhe Anaidin sikur Elona ka zënë shoqëri të ngushtë mes tyre, por gjithnjë me ironi. Elona i thotë Rikes se nëse do mund të qëndrojë me Ilirin. Rikja shpreh se nuk ka interes ndaj tij. Anaidi më pas nis të ngacmojë Ilirin dhe Riken duke i thënë asaj se Ilirin e ka marrë shumë malli për të. Iliri e pranon duke thënë se e ka marrë malli ta përqafoje Riken, por ajo i tregon se nëse do të përqafojë ndonjë shtyllë se atë nuk e bën dot. Iliri shton se e ka marrë malli ta shohë edhe Riken e drejtë për sa i përket situatave dhe jo të flasë sipas interesit të saj. Elona shton se për Ilirin “Njeri i drejtë” nënkupton që mos të flasësh keq për Ilirin.

Teksa ngacmohen me njëri-tjetrin Shpendi vlerëson shumë Riken për bisedën që ajo bëri pak më parë me të në lidhje me babain dhe thotë që ndihet shumë i lehtësuar. Teksa Elona kalon, e pyet Shpendin se për çfarë bëhet fjale. Shpendi i përgjigjet që bëhet fjalë për Riken dhe jo për të, por përgjigjia e ELonës ishte që në lidhje me Riken i intereson gjithçka. Mes tyre nis një debat dhe Elona sqaron që kujtoi se ja drejtoi asaj pyetjen dhe prandaj ajo e pyeti. Ajo thotë se ishte një keqkuptim dhe nuk pse Shpendi të reagojë ashtu. Për Elonën, Shpendi kur bën shaka duhet ta pranojë, ndërsa kur bëjnë të tjerët me të nuk i pranon.

Anaidi ndërhyn në diskutim duke ngacmuar me lojën e tij dhe sqaron Riken në lidhje me debatin e vogël që ndodhi mes Shpendit dhe Elonës duke e ironizuar atë.

lexo më shumë...

Shpendi dhe Anaidi hamendësime për eleminimin e Ilirit. Iliri: “Elonën e imitova shumë bukur në të gjitha aspektet”.

Anaidi dhe Shpendi ndodhen në lulishte, tashmë nën petkun e tyre dhe jo të banorëve të tjerë. Anaidi i thotë Shpendit që do ishte shumë e fortë nëse nesër gjatë spektaklit të dilte Iliri nga shtëpia. Anaidi nis të qeshë së bashku me Shpendin dhe kujtojnë momentin e spektaklit të javës së kaluar kur Iliri mori vesh që ishte në nominim. Anaidi e lidh këtë gjë edhe me një fjali që i ka thënë Ilirit për nominimin: “Nëse del në nominim me Riken dhe Elonën, do të kullufisin”. Shpendi dhe Anaidi nisin të qeshin me njëri-tjetrin dhe pranë tyre bashkohet edhe Iliri.

Iliri nis të komentojë provën javore dhe rolin që ai kishte për të imituar Elonën. Ai shpreh vlerësim për veten duke thënë se e bëri shumë bukur rolin e saj në sjellie, të ecur, të veshur, të folur duke i treguar të gjitha aspektet e Elonës. Por nuk rri pa vlerësuar edhe Anaidin me rolin e Rikes, i cili e kompletoi marrëdhënien e tyre. Sipas Ilirit, në lidhje me debatin që ato bënë për nipin e Elonës kur ai përmendi fjalën “Mon bebe” ajo nuk kishte pse të reagonte në atë mënyre sepse Elona e di shumë mirë sa qef i ka ai fëmijet, pavarësisht të kujt janë. Ai i shpjegon Anaidit dhe Shpendit se nuk e tha aspak me tendencë atë gjë që ajo e mori shumë personale, ndërkohë që ajo vetë e ka përdorur edhe në shtëpi me banorët. Sipas Shpendit, Elona e gjeti si justifikim atë gjë për të shëperthyer ngaqë kishte akumuluar shumë dhe ishte bërë nervoze, sepse për një gjë të tillë nuk mund të kesh atë reagim.

Elona dhe Rikja ndodhen në tualet. Rikja sheh diçka që nuk shkon te Elona dhe e pyet nëse është e mërzitur për ndonjë gjë. Elona pasi i përgjigjet në fillim që nuk është e mërzitur, më pas i thotë se ajo duhet ta dijë se çfarë ka. Rikja bën një fytyrë shumë të habitur duke lënë të nënkuptohet që nuk e di përse bëhet fjalë.

lexo më shumë...

Përfundon prova javore “Unë jam ti”. Elona: "E teprova me Ilirin, por e ekzagjeroi". Shpendi dhe Rikja flasin për baballarët.

Big Brother u komunikon banorëve se prova javore “Unë jam ti” përfundon dhe banorët duhet të vijojnë lojën duke qënë tashmë vetvetja. Banorët gezohen shumë nga ky lajmërim dhe e reflektojnë atë me xhestet e tyre. Anaidi menjëherë heq pantallonat e Rikes, të cilat i rrinin të ngushta duke manifestuar lumturinë e tij. Elona dhe Rikja përqafohen me njëra-tjetrën dhe pjesë e përqafimit bëhet edhe Shpendi i cili i bashkohet vajzave. 

Banorët shkojnë menjëherë në dhomën e gjumit për të veshur rrobat e tyre dhe bëjnë shaka me Shpendin i cili ishte veshur me rrobat e Eldorës. Ndërsa Elona nis të lajë Eldorën për shkak të dorës së vrarë. Teksa qëndrojnë vetëm, vajzat diskutojnë në lidhje me provën e javës dhe Elona shpreh mërzitjen e saj për mënyrën se si Iliri e përfaqësoi atë në lojë. Eldora i thotë Elonës se reagoi pak keq në lidhje me debatin me Ilirin por edhe ai me Anaidin e ekzagjeruan. Sipas Elonës, Iliri e ktheu në diçka personale lojën dhe kjo gjë nuk i pëlqeu aspak. Ajo tregon se duroi shumë në lidhje me Ilirin dhe kur preku fjalën “Mon bebe” u ndje shumë keq sepse është një përkëdhelje që e përdor vetëm për nipin e saj të vogël. Ajo e pranon që e teproi por nuk ishte duke e duruar dot Ilirin për mënyrën se si ai po luante rolin. Megjithatë Elona e vlerëson mënyrën se si Iliri dhe Anaidi e luajtën lojën e tyre por nuk i pëlqeu aspak ekzagjerimi që i bënë situatave duke prekur gjëra personale. Elona u ndje edhe keq kur Iliri i tha: “Luaje lojën sepse do humbasim buxhetin”. Për Elonën kjo ishte një fjalë e tepruar dhe e bëri që të shpërthente, ajo thekson se edhe durimi nga qëndrimi i gjatë në shtëpi ka humbur disi.

Ndërkohë Shpendi dhe Rikja ndodhen në dhomën e gjumit dhe po diskutojnë për baballarët e tyre dhe marrëdhëniet me to. Shpendi thotë se marrëdhëniet me babain janë akumuluar vitet e fundit jo se situata ka qënë gjithnjë ashtu, ndërsa Rikja tregon për babain e saj se ka qënë shumë i rrepte dhe ka kërkuar shumë respekt nga fëmijët duke bërë rolin e diktatorit. Shpendi e përkrah Riken në atë që thotë dhe është pikërisht ajo çka ai ka dashur të thotë që në fillim dhe ka qënë ky shkaku që i ka çuar gjërat me babain deri në atë pikë.

lexo më shumë...

Elona dhe Iliri dalin nga petku i nëjri-tjetrit, duke debatuar; Elona: “Po e ekzagjeron”

Shakatë mes banorëve vazhdojnë ende, të futur në rolet e përcaktuara që ditën e djeshme për njëri-tjetrin. Protagonistët kryesorë janë Anaidi dhe Iliri, të cilët ngacmojnë gjatë gjithë kohës Elonë dhe Riken, duke nxjerrë në pah afrimitetin e tyre, ndërsa puthen dhe përqafohen gjatë gjithë kohës, por veç kësaj, ata falënderojnë Vëllain e Madh që u ka dhënë mundësinë të njihen. 
Ndërkohë, Rikja pason batutat e tyre, edhe ajo e futur në rol, duke imituar Anaidin. Ajo bën shaka me djemtë, ndërkohë që ata të dy janë duke ngacmuar më tepër Elonën, e cila qëndron e shtrirë në kolltuk, në heshtje, pa vazhduar shakanë me ta. 
Iliri e imiton Elonën në formë tallëse, duke nxjerrë anë të karakterit të saj ndërsa i ekzagjeron dobësitë e Elonës. Ai thekson karakterin e saj mashkullor, ndërsa tregon se ajo merret me sportin e saj Taekwondo.

Anaidi dhe Iliri ngacmojnë për minuta të tëra Elonën, ndërsa ajo vazhdon të qëndrojë në heshtje. Në një moment Iliri i kujton Elonës buxhetin dhe faktin që ajo nuk po luan në rolin e Ilirit. “Kur ta bësh ti mirë rolin tim, atëherë do të bëj edhe unë tëndin”, ia kthen Elona, e cila i kërkon që ai të mos përdorë fjalë të cilat ajo nuk i ka përdorur me asnjërin prej banorëve, por vetëm me njerëzit e saj të afërt jashtë shtëpisë. Ndërsa Iliri justifikohet duke thënë se ai e ka parë në atë formë Elonën gjatë gjithë qëndrimit të tij në Big Brother. Sipas Elonës, Iliri është duke e kaluar me inat këtë lojë dhe duke sjellë situata të cilat realisht nuk kanë ndodhur në atë formë dhe se gjithçka e bën me tendencë. “Mos i bëj gjërat siç të interesojnë ty”, i thotë vazhdimisht Elona. “Të duket vetja më e zgjuar ty?”, ia kthen Iliri, ndërsa i thotë se është shumë herë më i mirë se ajo. 
Ndërsa Anaidi mundohet ta qetësojë situatën, duke i thënë Elonës se bëhet fjalë vetëm për një lojë dhe asgjë më tepër. Por Elona mendon se Iliri nuk është duke reaguar ashtu aspak për hir të lojës. “Sa gjëra di unë për ty, po të dua të të qëlloj..”, i thotë Iliri. “Ti nuk di asgjë për mua dhe nuk ke të drejtë të flasësh kështu”, i thotë Elona e nxehur, duke i treguar se ai nuk është i aftë që ta bëjë të ndihet keq. 

Pas largimit të Elonës, banorët komentojnë duke thënë se bëhej fjalë për një lojë, por Elona është nervozuar pa një arsye të fortë. Ndërsa Shpendi dhe Eldora nuk e komentojnë situatën. Ata imitojnë nëjri-tjetri, të veshur me rrobat e secilit, ndërsa qeshin me batutat e tyre.

lexo më shumë...

Imitimi i secilit sjell situata gazmore në shtëpinë e Big Brother

Banorët vazhdojnë ende me Provën Javore, ku të futur në rolet përkatës ata bisedojnë, flasin, qeshin, hanë në çdo moment, ndërsa mbajnë relata të afërta me banorin të cilin përfaqësojnë.

Në dhomën e ndenjes ndodhet Iliri, Elona dhe Rikja, të cilët fillojnë të bisedojnë e të hedhin batuta kundrejt nëjri-tjetrit. Rikja, e cila është nën petkun e Anaidit, ngre bluzën dhe fërkon barkun si ai, teksa thotë se i bëhet shumë qejfi që Iliri dhe Elona kanë prishur marrëdhënien mes tyre. “Unë u jap të tjerëve atë që unë dua të jap”, thotë Elona,e cila është duke përfaqësuar Ilirin, me qëndrimin e saj me këmbët lart, mbi kokën e kolltukut. Ndërsa Iliri i dëgjon, por bën sikur është duke fjetur afër tyre, ndërsa nuk i pason batutat e tyre kundrejt tij. 

Më vonë aty shkon Anaidi, i cili afrohet afër Ilirit, e përqafon dhe e puth, duke ironizuar Elonën dhe Riken, duke qenë se janë duke i imituar brenda rolit. Anaidi kujdeset për të duke pyetur se çfarë do të hajë për mëngjes, ndërsa Iliri, ia kthen: “Ha ti zemër se unë e ngopur jam”, ndërsa është duke përfaqësuar Elonën. 
Sjellja e tyre shkakton të qeshura tek Shpendi (Eldora), i cili ndodhet në kuzhinë.

Eldora dhe Shpendi më vonë shkojnë dhe ulen afër njëri-tjetrit te kolltuku, ndërsa ngacmojnë nëjri-tjetrin. Ndërsa Anaidi imiton Riken, duke cituar fjalët e saj: “Sa kot, gjithçka është kot”. Kurse Rikja merr telefonin dhe fillon të flasë, njësoj siç luan Anaidi shpesh herë, duke bërë sikur po flet me dikë në telefon. “Si the, si the?”, thotë ajo pas çdo batute që thotë. Batutat e cituara prej tij e bëjnë të qeshë Anaidin si edhe Shpendin dhe Eldorën që ndodhen afër saj. 

lexo më shumë...

Banorët zgjohen në rolet përkatës; Situata gazmore dhe të qeshura pafund

Mesdita ka kaluar, ndërsa banorët vazhdojnë të jenë ende në gjumë, edhe pse Vëllai i Madh është kujdesur për ndezjen e dritave dhe vendosjen e muzikës në sfond.

Vetëm pas disa minutash fillojnë të zgjohen një edhe nga një të gjithë banorët, duke krijuar shumë situata gazmore në shtëpi që në momentin që zgjohen dhe fillojnë të vishen si banori të cilin përfaqësojnë, sipas udhëzimeve të Provës Javore. Ata vishen dhe fillojnë të ecin, të lëvizin, të kërcejnë, të sillen dhe të flasin në mënyrë pothuajse identike me banorin që janë duke imituar, ndërsa shkaktojnë të qeshura tek nëjri-tjetri pas çdo situate.

Iliri dhe Anaidi rrinë gjatë gjithë kohës bashkë, që sapo zgjohen nga gjumi, të futur në role, duke imituar respektivisht Riken dhe Elonën. Ata mbështetin nëjri-tjetrin në gjithçka që thonë dhe bëjnë, duke bërë gjestet e secilës prej vajzave. 

Ndërsa Shpendi kujdeset për veshjen, ul fustanin e shkurtër gjatë gjithë kohës dhe ecën me delikatesë, ndërsa ulet fillon të flasë si Eldora, duke imituar intonacionin dhe mënyrën karakteristike me të cilën ajo flet. Ndërsa Eldora sillet si Shpendi, duke i folur atij me përkëdheli. 

Ndërsa Rikja imiton Anaidin, duke u shprehur gjatë gjithë kohës superior ndaj të tjerëve e duke përmendur vendet ku ka shkuar dhe festat në të cilat ka qenë i pranishëm. Rikja i bie gjoksit dhe bën gjestet e Anaidit, duke shkaktuar të qeshura tek të gjithë. 

Më vonë djemtë largohen një edhe nga një, ndërsa Rikja, Elona dhe Eldora qëndrojnë afër njëra-tjetrës duke bërë shaka e duke i imituar djemtë për disa minuta me radhë. Elona u thotë vajzave se Iliri është duke e ekzagjeruar me mënyrën se si po e imiton dhe se do të sqarojë disa gjëra me të, sapo të mbarojë prova. “Edhe raportin tonë e bëjnë për të qeshur”, shprehet Rikja, ndërsa Elona thotë se nuk e mendonte që Iliri do t’i merrte me kaq inat gjërat mes tyre. Elona mendon se Iliri po mundohet ta nxjerrë sa më keq Elonën, megjithëse ajo e ka sqaruar për gjithçka. 
Ndërkohë, imitimet vazhdojnë për minuta të tëra mes tyre. 

lexo më shumë...

Elona tregon për të ëmën: “Në ditën e dasmës apo kur të bëhem me fëmijë, do t’ia ndiej mungesën”

Vajzat vazhdojnë të bisedojnë me njëra-tjetrën, ndërsa kujtojnë banorët të cilët janë larguar dhe karakteristikat pozitive të secilit. Vajzat flasin me mall për ditët që kanë kaluar deri më tani në Big Brother, ndërsa ndihen me fat që kanë përjetuar një eksperiencë të tillë. “Është një eksperiencë unike që jo të gjithë kanë fatin ta përjetojnë”, shprehet Elona, mendimin e së cilës e mbështet edhe Eldora. 

Ndërsa më vonë Eldora e pyet Elonën se si është ndier pas vdekjes së të ëmës dhe Elona tregon se e ka përjetuar shumë keq ndarjen me të. Ajo e krahason veten me një fëmijë të vogël gjatë momentit që është ndarë nga e ëma. “Unë e mbaj veten për shumë gjëra, por ai moment më ka prekur e më ka bërë të vuaj shumë”, shprehet Elona. 
Ajo tregon se atë moment të dhimbshëm nuk e krahason me asgjë tjetër në jetë dhe se vetëm aty e ka kuptuar se sa e dobët është brenda vetes. 

Ndërsa Eldora thotë se e kupton, ndërsa fillon të tregojë për rëndësinë që ka e ëma në jetën e saj dhe për dashurinë dhe kujdesin që ka ndaj saj. Gjithashtu, Eldora tregon edhe për kujdesin e të ëmës ndaj saj, ndërsa tregon situata të ndryshme kur është larg saj dhe ndien mungesën e të ëmës. 

Ndërsa Elona tregon se pas vdekjes së të ëmës ata kanë ndërruar edhe shtëpinë, pasi e kanë pasur shumë të vështirë të vazhdojnë jetën pas vdekjes së saj në të njëjtat ambiente. 
“Qëndrimi im në shtëpi sërish është shumë i vështirë, pasi për gjithçka është kujdesur mami”, tregon Elona, e cila shton se ndihet keq gjatë gjithë kohës që gjendet e vetme në shtëpi. Ajo mendon se duhet shumë kohë për ta kaluar këtë dhimbje. “Asnjëherë asgjë nuk harrohet”, thotë Eldora, duke kujtuar vdekjen e të atit. 
Të dyja vajzat bien në melankoli dhe kujtojnë me dhimbje fatkeqësitë e tyre në jetë. 
“Unë e mendoj veten kur të kem fëmijë një ditë dhe për mungesën që do të ndiej për mamin”, shprehet Elona duke menduar për të ardhmen e saj pas një martese. Gjithashtu ajo mendon se edhe gjatë ditës së dasmës do ta ndiejë të domosdoshme prezencën e të ëmës afër saj. 

Pas pak minutës vajzat vendosi të shkojnë në dhomën e gjumit, duke iu bashkuar pjesës tjetër të banorëve që janë duke fjetur. 

lexo më shumë...

Elona tregon për peripecitë e familjes gjatë fillimit të jetës në Francë

Ndërkohë që Iliri është duke fjetur në kolltuk në dhomën e ndenjes, Elona, Rikja dhe Eldora fillojnë të bisedojnë me njëra-tjetrën. 
Rikja e pyet për detajet e largimit të tyre nga Shqipëria dhe rrugën që kanë përshkruar për në Francë, me të gjitha peripecitë e saj. 
Ajo tregon se ka qenë vetëm 4 vjeçe kur kanë ikur, por edhe motrat e tjera ishin të vogla në moshë në momentin që kanë ikur, pas tranzicionit në Shqipëri. Çdo gjë që i ka treguar e ëma, Elona e ruan mirë në memorie dhe ia tregon me detaje Eldorës dhe Rikes, duke treguar çdo vështirësi gjatë rrugës. 
Ajo thotë se gjithçka ka qenë edhe më e vështirë, pasi të dy prindërit kishin pozicione të mira pune në Tirane dhe një shtëpi të mirë afër qendrës së Tiranës, ndërsa u është dashur që në Francë ta fillojnë gjithçka nga fillimi. “Gabimi tjetër ndodhi kur e shitëm shtëpinë tonë këtu, pasi refuzuam ta linim me qira”, tregon Elona. Ndërsa vajzat e dëgjojnë me vëmendje dhe e mbështesin, duke i thënë se e kuptojnë shumë mirë vështirësinë që ata kanë ndier.

Më pas ato e pyesin Elonën se si eshët përshtatur me jetën në Francë dhe nëse ka ndier vështirësi në përballjen me një vend dhe popull tjetër. “Unë nuk kam ndier asnjë vështirësi sepse kam qenë shumë e vogël, por motrat po”, tregon Elona. 
Ajo thotë se familja e saj është përshtatur aq mirë saqë asnjë nuk i njeh që janë shqiptarë, megjithëse mundohen që t’i ruajnë traditat e vendit të tyre. “Por gjithsesi e kuptoj që ka qenë e vështirë për prindërit të cilët kanë lënë gjithçka për një jetë që nuk e njihnin”, tregon Elona. 

Edhe Rikja tregon shkurtimisht për vështirësitë që ka ndier familja e saj në momentin që kanë emigruar për në Itali dhe vështirësitë që ka ndier ajo në mësimin e gjuhës italiane. 

Në shtëpinë e Big Brother Vëllai i Madh kujdeset për muzikën në sfond, ndërkohë që banorët kthehen sërish në dhomën e ndenjes dhe vazhdojnë me shakatë e tyre, ndërsa vazhdojnë të jenë të futur në rol.

lexo më shumë...